tg-me.com/bassempoems/11316
Last Update:
✨خدمة محبي باسم الكربلائي تقدم:
📜قصيدة : تعازينه
✒️للشاعر : ابو فاطمة العبودي
📌 : استشهاد الرسول الاعظم ص
📅: ليلة 28 صفر 1430 هـ
🕌: حسينية الرسول الأعظم الكربلائية - دولة الكويت
🎶طور: #اعذريني
تعازينه .. تعازينه
نقدملك .. تعازينا
يحيدر شيعه وانادي
على مصاب النبي الهادي
نقدملك تعازينا
▪️▪️▪️▪️▪️
يحيدر احنه أحبابك بصوت المدمع اناديك
يالوافيت ابو الزهره الليلة لازم انوافيك
بحجم فگد النبي صبرك صبور وربك ايجازيك
نريد الليلة لمصابه ننوح وياك وانعزيك
اعله هادينه .. اعله هادينه
نعزيك .. اعله هادينه
ابد ما ينوصف همك
عگب رحلة ابن عمك
نقدملك تعازينا
▪️▪️▪️▪️▪️
اشرف انبياء الله يحيدر انته خاويته
على السراء والضراء ابحياته كلها ماشيته
بيرغ دعوته ابيمناك ابحربه وسلمه عليته
مثل هارون وي موسى يحامي الجار وافيته
صنت دينه .. صنت دينه
ابوسع صدرك .. صنت دينه
بابك يا علي بابه
اخوك وليلة مصابه
نقدملك تعازينا
▪️▪️▪️▪️▪️
عندك ذكريات وياه ابد ما يوم تنساها
جميلة وحاضره ابذهنك دومك عايش وياها
نذكره ابضعته وصاك وهيه بيك وصاها
وايد الطاهرة الزهره وسط يمناك خلاها
غفت عينه .. غفت عينه
وسط حجرك .. غفت عينه
دمعك بلل اثيابه
بگيت وحرت بغيابه
نقدملك تعازينا
▪️▪️▪️▪️▪️
ضلع صبرك حنيته اعليه ولجله دمعك اتسيله
ومن اجروحك الكلفات اگعدت عد راسه تشكيله
أصحاب الغدر عافوك يحيدر وحدك الليلة
نزل جبريل يا حيدر يعينك على تغسيله
على جبينه .. على جبينه
نزل يلطم .. على جبينه
يشوفك وحدك اتغسله
محمد خلته خله
نقدملك تعازينا
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
🎶TikTok
http://tiktok.com/@m7bebasim
💠telegram
https://www.tg-me.com/m7bebasim
📝 Tel : للقصائد المكتوبة
https://www.tg-me.com/us/محبي باسم الكربلائي القصايد المكتوبة/com.bassempoems
📲Whatsapp
0096170873295🇱🇧
00989371659815🇮🇷
*من باب احترام حقوق الآخرين*
*نرجو عدم تغيير روابط الخدمة*
*💠خدمة محبي باسم الكربلائي💠
BY محبي باسم الكربلائي/القصايد المكتوبة
Warning: Undefined variable $i in /var/www/tg-me/post.php on line 280
Share with your friend now:
tg-me.com/bassempoems/11316